Türkiyä İlbaşınnan ciröste xärbi xäräkäte signalı

İlbaşı Ärdoğan Qatar säfärennän qaytqan çaqta oçqıçta könüzäk mäs’älälärgä bäyäläwlär yasadı.

Ğıyraq belän Süriyäneñ tön’yağında ütkärelgän "Pänçä-Qılıç” hawa xäräkäte belän bäyle bularaq Ärdoğan: “Härwaqıt äytkänem kebek, Bez ber tön kötelmägän çaqta kilä alabız” dip äytkän çaqta monı bolay ğına äytmädek. Çönki kötelgän, proyıktlanğan, planlaştırılğan waqıtı kilep citkän mizgeldä bu adımnar yasaldı. Şuşı räweşle kiçä tönlä ütkärelgän operaśiya da monıñ tulı küreneşe ide”, - dide.

“Pänçä-Qılıç” hawa xäräkäteneñ barı tik hawa operaśiyası belän genä çikle qalmayaçağına da basım yasawçı Ärdoğan: “Saqlanu ministrlığıbız Ğomum ştab belän bergä qararğa kiler, kiñäşmälärebezne ütkärerbez häm adımnarıbıznı aña qarap yasarbız”, - dip belderde.

Bu operaśiya belän bäyle bularaq Amerika Quşma Ştatları İlbaşı Djo Bayden häm Rusiyä Däwlät başlığı Vladimir Putin belän bernindi söyläşü ütkärmäwlären iskärtep uzuçı Ärdoğan: “Fäqät bezneñ här mizgeldä bu töbäktä mondıy äyberlärne başqara alaçağıbıznı Bayden da, Putin da belä. Näq menä bu waqıyğada da bulğanı kebek härwaqıt äytep kiläbez bit: bez tönlä kötelmägändä kilä alabız diyıp. Bez röxsät belän êşlämibez. Bez ägär adım yasıybız ikän, monıñ qararın qabul itäbez häm bu adımnı da yasıybız. Bu mäs’älädä AQŞ monnan arı bezne belergä tiyış. Ul, möğayın, beläder. Monnan soñğı barışta bolay da bezneñ tağın da ähämiyätle adımnarnı qatğıy räweştä niçek yasayaçağıbıznı, yasaw zarurlığıbıznı da, inşallah, barısı da küräçäk”, - dip äytte.