Ärdoğan Doxada liderlar belän küreşte
Ärdoğan Katarda oyıştırılğan FİFA Bötendön’ya kubogınıñ açılışı uñayınnan bulğan qabul itüdä liderlar belän oçraştı
1908526
Türkiyä ilbaşı Räcäp Tayyip Ärdoğan Katarda oyıştırılğan 2022 FİFA Bötendön’ya kubogınıñ açılışı uñayınnan bulğan qabul itüdä liderlar belän oçraştı. Ul Katar ämire şäyex Tämim bin Xamed Al Saninıñ çaqıruına cawap itep kiçä kiç Doxağa kitkän ide. Ärdoğan Al Bayt stadionında bulğan çarada qayber liderlar belän ayağürä genä äñgämä qordı.
Türkiyä ilbaşınıñ Fälästin däwlät başlığı Mäxmüt Abbas, Misır ilbaşı Abdülfättax äs-Sisi, Yordaniya patşası Abdullax 2nçe, Dubay ämire şäyex Möxämmät bin Räşit Al Maktum, Kuveyt täxet prinśı şäyex Misxaal Al-Äxmät Al-Jaber Al-Sabax häm FİFA başlığı Djanni İnfantino belän qul qısışıp söyläşüe kürende.
