İstanbuldağı şartlawnıñ tağın ber şöbhälesen êläkterdelär

İstanbuldağı bombalı terraktnı başqaruda yärdäm itkän Xüsam A. isemle separatist terrorçı oyışma PKK/YPG äğ’zası Süriyäneñ Azäz cirlegendä êläkterelde. Anı iminlek köçläre İstiklal uramında 13nçe noyabr’dä 6 keşeneñ ülüe häm 81eneñ yaralanuı belän tögällängän şartlawnı tikşerü qısalarında êzläp taba. “Xüsam” kod isemle terrorçınıñ şartlawnı başqaruçı häm aña yärdäm itüçelär belän êlemtädä toruı belderelä.

Şöbhäleneñ PKK/KCK/PYD/YPG terrorçı oyışmasında buluı bilgele. Ul şartlawdan ber yıl êlek İstanbulğa kilgän.  

“Xüsam”nıñ höcümne başqaruçı Axlam Älbäşir häm äşnäläre belän bergä xäräkät itep, terraktnı äzerläw waqıtında alarğa yärdäm kürsätüe açıqlana. Şartlawdan soñ başlanğan operaśiyä waqıtında anı êläkterä almıylar häm ul Süriyägä qaça.

Azäzdä qulğa alınğan şöbhäle soraw alu öçen İstanbulğa kitereläçäk.