İstanbuldağı terror höcüme äti belän qızın yaqtı dön’yadan alıp kitte

İstanbulnıñ İstiklal uramındağı terror höcüme ätise belän 9 yäş’lek qıznı yaqtı dön’yadan alıp kitte.

Adananıñ ğailä häm sośial’ xezmätlär mödirlegendä êşlägän Yosıf Mäydan häm ğailäse İstanbulda İstiklal uramında yörgändä xain höcümgä duçar buldılar.

Terror höcümendä 34 yäşendäge äti belän 9 yäşendäge qızınıñ ğomerläre özelde, yaralanğan äni isä xastaxanädä däwalana.

Höcüm qorbannarı Yosıf Mäydan belän qızı Äcrin Adanada cirlänäçäk.

Türkiyä ğailä häm sośial’ xezmätlär ministrı Där’ya Yanık üzeneñ sośaial’ media akkauntında “İstanbuldan kilgän qayğılı xäbär belän yöräklärebez yandı. Bez xezmättäşebez Yosıf Mäydannı häm anıñ qızı Äcrinnı yuğalttıq. Ğailäseneñ, tuğannarınıñ häm xezmättäşläreneñ qayğısın urtaqlaşam” dip yazdı.