THY “APEX WORLD CLASS” bülägenä layıq buldı
THY Törek Hawa yulları yulçı täcribäse cämğıyäte (APEX) tarafınnan "APEX World Class" häm "2023nçe yıl biş yoldızlı global’ hawa yulı" büläklärenä layıq buldı
Törek hawa yulları (THY) dönyanıñ iñ ışanıçlı häm xörmätle aviaśiya çaralarınnan berse bularaq qabul itelgän Hawa yulları yulçı täcribäse cämğıyäte (APEX) tarafınnan "APEX World Class" häm "2023nçe yıl biş yoldızlı global’ hawa yulı" büläklärenä layıq buldı.
THY Törek hawa yullarınıñ matbuğat üzägennän yasalğan belderügä kürä, APEX bäyäläwläre dönya külämendä yaqınça 600 hawa yulı şirkäte tarafınnan başqarılğan 1 millionnan kübräk oçışnıñ yulçılar tarafınnan bäyälänüe belän bilgelänä.
“APEX”nıñ “YATES+” konsul’taśiyäsendä sälamätlek qurqınıçsızlığı, totrıqlılıq häm qunaq täcribäse kriteriyläre nigez itep alınğan bäysez tikşerülär näticäsendä THY ber-ber artlı ikençe tapqır “APEX World Class” bülägeneñ iyäse buldı.
Bıyıl ikençese oyıştırılğan häm dönyada äz sanda hawa yulına birelgän "APEX World Class 2023" büläklärenä bıyıl barı tik 8 hawa yulı layıq buldı.
Dön’yanıñ iñ küp noqtasına oçqan THY Törek hawa yulları ayıruça yulçı bäyäläwe belän bıyıl altınçı tapqır "Biş yoldızlı global’ hawa yulı” bulıp saylandı.
“APEX” tarafınnan birelgän büläklär 26nçı üktäbr’dä Amerika Quşma Ştatları “Kaliforniya Long Beach”tä ütkärelgän “APEX/IFSA EXPO”da iyälärenä tapşırıldı.
