NATO başlığı Türkiyägä kilä
Stoltenbergnı Änkarada tığız oçraşular grafigı kötä
1901157
NATO ğomum särqatibe Yens Stoltenberg bügen Änkarağa kiläçäk. Anıñ Türkiyägä säfäre 3sennän 5nçe noyabr’gä qadär däwam itä.
Stoltenbergnı ilbaşı Räcäp Tayyip Ärdoğan qabul itäçäk. Alarnıñ söyläşüläreneñ irtägä İstanbulda uzuı kötelä. NATO ğomum särqatibeneñ tışqı êşlär ministrı Mäwlet Çavuşoğlu häm milli saqlanu ministrı Xulusi Akar belän dä oçraşuı bulaçaq.
Bügen Stoltenberg belän Çavuşoğlunıñ matbuğat cıyılışı uzdıruı planlaştırılğan.
İttifaq ğomum särqatibe oçraşularında Şveśiyä belän Finlyandiyäneñ NATOğa kerü prośessı, Rusiyä-Ukraina suğışı belän bäyle fiker alışular küzallana.