AQŞtan Türkiyägä räxmät
Amerika Quşma Ştatlarınıñ Türkiyägä “aşlıq koridorı” räxmäte
AQŞ däwlät departamentı süzçese Ned Prays Rusiyäneñ Qara diñgez aşlıq iniśiativası kileşüenä qaytuındağı role öçen Türkiyägä räxmät belderde.
Köndälek matbuğat oçraşuında sorawlarğa cawap birüçe Prays Rusiyäneñ Ukraina aşlığın häm aşlıq êşlänmälären dönyağa êksportlanıluın ciñeläytüçe Qara diñgez aşlıq kereşüe kileşüenä qaytuınnan qanäğät buluın citkerde.
Süzçe şuşı kileşü näticäsendä xäzergä qadär 10 million metrik tonna aşlıqnıñ Ukrainadan çığarıluın xäterlätep, kileşüne dönya öçen “waz kiçelmäslek” dip bäyäläde.
Türkiyäneñ aşlıq cibärelüeneñ yañadan başlanuındağı rolenä iğ’tibarnı yünältüçe Prays ber soraw uñayınnan: “Törek berlektäşlärebezneñ tırışuların bez bik täq’dir itäbez. Bu kileşüne BMO Ğomum särkätibe Antonio Guterreş äzerläde, ämma başta Türkiyäneñ kritik yärdäme häm annan soñ Ukrainanıñ häm iñ soñında Rusiyäneñ kileşüe belän buldırıldı. Ğomum särkätipneñ häm Türkiyäneñ bu kileşüne qabat cayğa saluı öçen bez bik räxmätle”, - dip äytte.
