Cömhüriyät bäyräme uñayınnan çit illärdän qotlaw yullamaları
Çit illär citäkçeläre täbrikläw yullamaları cibärdelär
Azärbaycan ilbaşı İlham Aliyev 29 nçı oktyabr’ - Cömhüriyät köne uñayınnan Türkiyä ilbaşı Räcäp Tayyip Ärdoğanğa täbrikläw yullaması cibärde.
Aliyev qotlaw yullamasında Azärbaycan-Türkiyä mönäsäbätläreneñ bügenge köndä dön’yada başqa ber ürnäge bulmawın, ike il arasındağı berdämlekneñ töbäk häm dön’ya öçen möhim qurqınıçsızlıq häm totrıqlılıq faktorı buluın belderde. “Ber millät, ike däwlät” şiğare belän illärebez arasındağı berlektäşlek urtaq tırışlıqlarıbız belän uñışlı räweştä nığır dip ışanam. Sezgä sälamätlek, êşläregezdä uñışlar häm Tükiyä xalqına tınıçlıq, mullıq tellim” diyelä ilbaşı Aliyevnıñ täbriknamäsendä.
Ukraina däwlät başlığı Vladimir Zelenskiy da Cömhüriyät bäyräme uñayınnan törek telendä qotlaw süzläre belän urtaqlaştı.
“Türkiyä Cömhüriyäte tözelüneñ 99 yıllığı mönäsäbäte belän ilbaşın häm Türkiyä xalqın qotlıym. Dus Türkiyä xalqına tınıçlıq, iminlek telim. Bezneñ urtaq tırışlığıbız Qara diñgez töbägenä qabat tınıçlıq häm totrıqlılıq kiterer dip ışanam” dip yazdı Zelenskiy üzeneñ Twitter akkauntında.
Qazaqstan ilbaşı Qasıym-Cumart Toqayev 29 nçı oktyabr’ - Cömhüriyät bäyräme nisbätennän Ärdoğanğa cibärgän qotlaw yullamasında “ Hiçşiksez, bu data sezneñ il tarixında möhim urın alıp tora” dip yazdı.
Törekmänstan ilbaşı Särdar Bärdemöxämmädov, Paqıstan prem’yer-ministrı Şaxbaz Şärif, Greśiya tışqı êşlär ministrlığı, Amerika Quşma Ştatları däwlät särqätibe Êntoni Blinken da qotlaw yullamaları cibärep izge teläklären citkerdelär.
