Togg 2023nçe yılda 17-18 meñ maşina çığarırğa cıyına

Türkiyäneñ avtomobil’ iniśiativası törkeme Togg 2023nçe yılda 17-18 meñ maşina çığarırğa planlaştıra. Bu xaqta sänäğat’ häm texnologiyä ministrı Mostafa Varank şäxsi telekanaldağı ber tapşıruda belderde.

Anıñ äytüençä, Toggnı citeşteräçäk ob’yekt - Bursa töbäge Gemliktäge kampusnıñ tözeleşe tamamlandı. Şimbä könne isä tasmadan berençe maşina töşäçäk. Anı isä watandaşlarğa ilbaşı Räcäp Tayyip Ärdoğan tanıtaçaq.  

Ministr satuğa çığaru öçen bilgelängän waqıtnıñ kiläse yılnıñ berençe çirege buluın da äytte. “Şirkätneñ 2023nçe yılğı maqsatı - 17-18 meñ maşina citeşterep bazarğa çığaru. Xäzerge waqıtta sınaw citeşterüe bara. 29nçı oktyabr’dä êşxanäneñ tözeleşe tögällänü häm avtomobil’ne yasap çığaru başlanuı tantanasın uzdıraçaqbız,”-dip söyläde Mostafa Varank.