Ärdoğan Ğıyraq däwlät başlığı belän söyläşte

Türkiyä ilbaşı Räcäp Tayyip Ärdoğan Ğıyraq däwlät başlığı Abdullatıyf Räşid belän telefonnan söyläşte.

İlbaşı apparatınıñ matbuğat üzägennän belderülärençä, Ärdoğan äñgämä barışında Räşidne Ğıyraqnıñ yaña ilbaşı bularaq saylanuı belän qotladı. Ul kürşe Ğıyraqnıñ tınıçlığı, totrıqlılığı häm iminlegenä ähämiyät birülären, mönäsäbätlärne regional’ iminlek, totrıqlılıq häm mullıqqa öleş kertäçäk räweştä här mäydanda üsterü öçen tırışuların däwam itäçäklären äytte.