İlbaşı Qazaqstan başqalası Astanağa kitte
Ul yuğarı däräcäle strategik xezmättäşelek şurasınıñ dürtençe cıyılışında, şulay uq Aziyädä xezmättäşlek häm ışanıçnı arttıru çaraları konferenśiyäsendä qatnaşaçaq
Türkiye ilbaşı Räcäp Tayyip Ärdoğan bügen Qazaqstan başqalası Astanağa kitte.
Ul yuğarı däräcäle strategik xezmättäşlek şurasınıñ dürtençe cıyılışında, şulay uq Aziyädä xezmättäşlek häm ışanıçnı arttıru çaraları konferenśiyäsendä qatnaşaçaq.
İlbaşı idaräseneñ êlemtä bülege xäbär itkänçä, Ärdoğan Türkiye-Qazaqstan yuğarı däräcädäge strategik xezmättäşlek cıyılışın Qazaqstan ilbaşı Qasıym Cumart Toqayev belän alıp baraçaq.
Bäyläneşle ministrlar qatnaşında uzaçaq şura cıyılışında Türkiye - Qazaqstan mönäsäbätläre törle yaqlap qaralaçaq, strategik partnyerlıqnı köçäytü mömkinlekläre qaralaçaq.
Oçraşular waqıtında ike yaqlı mönäsäbätlär belän berrättän regional’ häm global’ mäs’älälär turında fiker alışılaçaq.
Türkiye ilbaşı 13 nçe oktyabr’dä Aziyädä xezmättäşlek häm ışanıçnı arttıru çaraları konferenśiyäseneñ 6 nçı sammitında däwlät häm xökümät başlıqlarına möräcäğät’ itäçäk häm ike yaqlı oçraşular ütkäräçäk.