Parlament başlığı Şäntop Malayziyada

Mostafa Şäntop Malayziya başqalası Kuala Lumpurdağı räsmi oçraşuları qısalarında iñ êlek Malayziya Wäkillär palatası başlığı Azhar Azizan Harun belän başta üzara, annan soñ wäkilleklärara söyläşülär ütkärde.

Şäntop soñınnan Malayziya Senat başlığı Rais Yatim häm yanındağı wäkillek belän oçraştı.

Biredä çığış yasawçı Şäntop, ike yaqlı mönäsäbätlärdä ışanıç toyğısınıñ östenlek itüeneñ bik quanıçlı buluın belderep, ike il arasında tözelgän Kiñ qırlı strategik urtaqlıqnıñ qanun çığaru, başqarma häm xökem çığaru organnarı arasındağı mönäsäbätlärneñ dä üsüen çolğap aluın uylawların äytte.

Şäntop ayıruça M’anmada bigräk tä Arakan möselmannarına qarşı êtnik çistartu häm genośid kereşüeneñ tuqtatıluı häm roxincalarğa humanitar yärdämneñ täêmin itelüe öçen kürsätelgän tırışunıñ bik qıymmätle buluın äytte.

İSİPAB (İslam xezmättäşlek oyışmasınıñ Parlament berlege) qarşında İSİPAB äğ’zase bulmağan illärdä yäşäwçe möselman azçılıqlarına qarşı keşe xoquqların bozu oçraqları belän bäyle bularaq äzerlänüçe xisapqa iğ’tibarnı yünältüçe Şäntop:

"Möselman illäre bularaq mondıy êşçänlekne aldıbızdağı çorlarda da däwam itüebez, bu ölkädä xezmättäşlek êçendä xäräkät itep, ğadellekkä häm xalıqqa nigezlängän säyäsätneñ östenlek itüe öçen tırışlıq sarıf itüebez böten dönyanıñ, böten keşelekneñ mänfäğätenä bulaçaq”, - dide.

Törkiyä Böyık Millät Mäclese başlığı räislegen ozaq waqıttan birle Türkiyä üz östenä alğan Aziya parlamentariylär assambleyasınıñ da tağın da aktiv bula alaçağın iskärtep uzdı.