Awstriya İlbaşı: “Türkiyä bik möhim êşlär başqardı”

Awstriyada yäkşämbe könne ütkäreläçäk ilbaşı saylawı aldınnan TRT Türkiyä däwlät teleradiokompaniyasına äñgämä birüçe İlbaşı Bellen Türkiyäneñ Rusiyä belän Ukraina arasındağı aradaşçılıq role, aşlıq kileşüe häm Awrupada yäşängän ênergiya krizisı turında açıqlawlar yasadı.

Bellen Berläşkän Millätlär Oyışması ğomum şurası (general assambleyası) uzdırılğan N’yu-Yorkta İlbaşı Räcäp Tayyip Ärdoğan belän Törek yortında ütkärgän oçraşunıñ neçkäleklärenä tuqtalıp uzdı, Türkiyäneñ 24nçe fevral’dä başlanğan Rusiyä-Ukraina suğışındağı aradaşçılıq rolenä basım yasadı.

Bellen: "Türkiyä şuşı krizista bik möhim êşlärne başqardı. Ägär Ukraina yäki Rusiyä aşlığınıñ Qara diñgez aşa cibärelüe barıp çıqmasa ide, dönyanıñ törle urınnarında, bigräk tä Afrikada häm Yaqın Könçığışta açlıq krizisı barlıqqa kiler ide. Bu da Türkiyäneñ aradaşçılığı häm Ärdoğannıñ (BMO Ğomum särkätibe Antonio) Gutterreş belän bergä kereşüläre näticäsendä buldı”, - dip äytte.

Türkiyäneñ Awstriyanıñ NATO xärbi künegülärendä qatnaşuın raslawınnan şat buluın da iskärtep uzuçı Awstriya Däwlät başlığı: "Bu Awstriya öçen bik möhim”, - dide.

Awstriya İlbaşı Bellen Awrupada yäşängän ênergiya krizisı belän bäyle bularaq ta, bu qışnı gaz problemasına artıq tığılmıyça ütkärä alaçaqların belderep, Awrupanıñ Rusiyä gazına bulğan bäylelegennän qotıluı zarurlığına basım yasadı.

Alexander Van der Bellen Awstriya-Türkiyä mönäsäbätläreneñ duslarca üseş aluın da iskärtep uzdı.