Tağın şähit xäbäre
Ğıyraqnıñ tön’yağındağı Pänçä-Kilit operaŝiyase töbägendä ber xärbi şähit buldı
Milli saqlanu ministrlığınnan yasalğan açıqlawda Pänçä-Kilit operaŝiyase töbägendä pexota leytenantı Serkan Êrkuşnıñ separatist PKK terrorçıları belän çıqqan bäreleştä şähit buluı belderelde.
Açıqlawda bolay diyelä: “Bezne tirän qayğığa salğan bu waqıyğada ğomere özelgän ğaziz şähitebezgä Allaxı Täğalädän yarlıqaw teibez, ğailäse, Törek qorallı köçläre belän millätebezneñ qayğısın urtaqlaşabız.”
Milli saqlanu ministrı Xulusi Akar da qayğınamä urtaqlaşıp, şähit Êrkuşka Allaxı Täğalädän yarlıqaw teläde.
Şul arada Pänçä-Kilit operaŝiyase töbägendä PKKlı 7 terrorçı täêsirsez xälgä kiterelde.
Ministrlıktan yasalğan açıqlawda: “Şähitebezneñ qoyılğan qanı öçen cawap biräçäklär. Ğıyraqnıñ tön’yağındağı Pänçä-Kilit operaŝiyase töbägendä tabılğan 7 PKKlı terrorçı Törek qorallı köçlärebez tarafınnan täêsirsez xälgä kiterelde,” – dip äytelde.
