Çavuşoğlu: “Tınıçlıq yulı Türkiyädän uza”

Çavuşoğlu biredä yasağan çığışında, Türkiyäneñ soñğı çorda alıp barğan diplomatiyasınıñ yuğarı bäyälänelüen belderep, bolardan alğı planğa çıqqannarnıñ aşlıq kileşüe, Türkiyäneñ Finlyandiya häm Şveśiyanıñ NATO möräcäğätläre cähätennän qazanışları belän Törki däwlätlär oyışmasınıñ üseş aluı buluın äytte.

Türkiyäneñ Liviyadağı bäreleşlärneñ tuqtatıluında uynağan roleneñ  Könbatış illäreneñ iğ’tibarın cälep itüenä basım yasawçı Çavuşoğlu: "Bu da xätta ilebezneñ Liviyadağı torışınıñ kürsätkeçe”, - dip äytte.

Çavuşoğlu Rusiyä-Ukraina suğışı kiterep çığarğan awırlıqlar mäs’äläsendä Türkiyäneñ aktiv tışqı säyäsäte näticäsendä anıq adımnar yasala alınuın belderde.

"Ukraina suğışı töbäktä tınıçlıqqa alıp baruçı yulnıñ Türkiyädän uzuın tağın ber tapqır kürsätte”, - dip iskärtep uzuçı Çavuşoğlu: "Bu mäs’älä Qavqaz, Balkan, Yaqın Könçığış, Afrika kebek şaqtıy geografiya öçen ğamäldä”, - dide.

Ministr Çavuşoğlu, Qavqazda Azärbaycannıñ qazanışların tınıçlıq östälendä nığıtuın belderep:

"Laçın monnan arı çınlıqta Azärbaycan kontrolendä, ämma biredän çigengän çaqta da xätta Ärmänstannıñ, ber yaqtan, yandırıp cimerüe, ikençe yaqtan, här urınğa mina quyuı yaxşı niyätle bulmawın da kürsätä”, - dip bäyäläw yasadı.

Çavuşoğlu, Türkiyä, Azärbaycan häm Üzbäkstan arasındağı öç yaqlı mexanizmnı tormışqa aşıruların belderep, Azärbaycan häm Qazaqstan belän Urta koridornı canlandırırğa teläwlären iskärtep uzdı.

Türkiyäneñ Afrika, Latin Amerika häm Aziya iniśiativasına da tuqtalıp uzuçı tışqı êşlär ministrı Türkiyäneñ kiñ ofıqlı tışqı säyäsät alıp baruın äytte.