"Türkiyedä imzalanğan aşlıq kileşüe global’ azıq-tölek krizisın totqarladı"
Bu xaqta Türkiye ilbaşı idaräseneñ êlemtä bülege başlığı Fäxrettin Altun belderde
Türkiye ilbaşı idaräseneñ êlemtä bülege başlığı Fäxrettin Altun Avstriyädä urnaşqan APA xäbär agentlığınıñ sorawlarına cawap birde.
Altun 22 nçe iyün’dä Türkiyedä Ukraina häm Rusiya belän imzalanğan aşlıq kileşüe arqasında global’ azıq-tölek krizisınıñ totqarlanuın äytte.
Êlemtä bülege başlığı beldergänçä, Türkiye 24 nçe fevral’dän birle suğışqan Rusiya häm Ukraina arasında diplomatik häm tınıç yul belän çişeleş tabu öçen êşlärgä äzer.
Altun aşlıq koridorı xaqında ”Xäzerge waqıtta kimçeleksez êşlägän mexanizm bezne tağın da kiñräk kereşülär başqarırğa êtärä” dide.
Fäxrettin Altun global’ täräqqiyät’lärneñ Türkiye häm Awrupa Berlegen ber-bersenä yaqınaytuın da assızıqladı.
“Bu tempta Türkiyeneñ Berlekkä äğ’za bulu söyläşüläreneñ qabat tizlänüe bezne ğacäpkä qaldırmayaçaq”,- dide ul.
Altunğa Finlyandiya häm Şveśiyäneñ NATOğa äğ’zalıq möräcäğät’läre xaqında da soraw birdelär.
İlbaşı idaräsenen êlemtä bülege başlığı Fäxrettin Altun äytüençä, alar ike däwlätneñ Türkiyeneñ qurqınıçsızlığına qarata êçkersez totışta bulıp bulmawların kürergä telilär.
