İlbaşı Ärmänstan prem’yer-ministrı belän telefonnan söyläşte

Törkiyä ilbaşı Räcäp Tayyip Ärdoğan Ärmänstan prem’yer-ministrı Nikol Paşinyan belän telefonnan söyläşte.

İlbaşı idaräseneñ êlemtä bülege xäbär itkänçä, Ärmänstan baş ministrı Törkiyä ilbaşın Qorban bäyräme belän qotladı.

İlbaşı Ärdoğan Paşinyannı yaqınlaşıp kilüçe Vardavar bäyräme belän täbrik itte.

Söyläşüdä ike lider töbäktä tınıçıq häm totrıqlılıqnı nığıtuğa yärdäm itäçäk Törkiyä belän Ärmänstan arasında mönäsäbätlärne cayğa salu barışına zur ähämiyät birülärenä basım yasadılar.

Ärdoğan häm Paşinyan bu qısada maxsus wäkillärneñ 1 nçe iyül’däge söyläşülärendä kileşü täêmin itelgän mäs’älälärne yaqın kiläçäktä tormışqa aşıruğa ömetlänülären belderdelär.