Törkiyä häm Fälästin liderları ber-berlären qotladı

Törkiyä ilbaşı Räcäp Tayyip Ärdoğan kiçä Fälästin däwlät başlığı Mäxmüt Abbasqa şaltırattı. Alar ber-berlären Qorban bäyräme belän qotladı.

Söyläşüdä Törkiyä belän Fälästin mönäsäbätläre häm regional’ mäs’älälär dä qaraldı.

İlbaşı Ärdoğan möbärak bäyräm könnäreneñ Fälästin, töbäk däwlätläre häm barlıq İslam dön’yası öçen xäyerle buluın, tınıçlıq, xozur häm sälamätlek kiterüen teläde. Ul fälästinlelär arasında berdämlek häm yärdämläşüneñ ähämiyätenä iğ’tibarnı cälep itte. Ärdoğan başqa mäs’älälärdäge şikelle bu êşlärdä dä törle yärdämgä äzer buluın iskärtte.