İzraildän Ärdoğanğa qotlaw kilde

İzrail däwlät başlığı İsaak Xerśog Törkiyä ilbaşı Räcäp Tayyip Ärdoğanğa telefonnan şaltıratıp Qorban ğayete belän qotladı.

Räsmi çığanaqlardan alınğan mäğ’lümatlarğa qarağanda, söyläşüdä, şulay uq, ike il arasındağı mönäsäbätlär häm regional’ temalar kütärelde. İlbaşı Ärdoğan “möbärak bäyräm könnäreneñ ike däwlät, töbäk häm böten dön’ya öçen xozur häm tınıçlıq kiterüe” telägen citkerde.

Liderlar qara-qarşı ixtiram häm uñay kön tärtibe nigezendä ikeyaqlı mönäsäbätlärne konkret adımnar belän üsterü mäs’äläsendä urtaq fikerdä qaldı.