Ärdoğan: “Bez tigezlek säyäsäte belän barışnı xäl itärgä tırışabız”

Törkiyä İlbaşı Ärdoğan Amerika Quşma Ştatları İlbaşı Djo Bayden belän İspaniya başqalası Madridta NATO Liderlar sammitı qısalarında oçraştı.

Oçraşu aldınnan yasağan çığışında Ärdoğan Bayden belän ozaq ber waqıttan soñ qabat oçraşuğa şat buluın belderde.

NATO sammitınıñ kön tärtibe cähätennän bik köçle yuğarı däräcäle oçraşu buluına basım yasawçı Ärdoğan:

"Sammitta däwam iteläçäk êşçänlegebez belän illärebezgä näticäle qaytu forsatın tabaçağıbızğa ışanam. Sezneñ ayıruça AQŞ bularaq bu êştä äydäp baruığız, NATOnıñ köçäyüe öçen yasalaçaq adımnar bigräk tä Rusiyä-Ukraina barışına ayırım öleş kertäçäk”, - dip äytte.

İlbaşı Ärdoğan 24nçe fevral’dän birle däwam itüçe Rusiyä-Ukraina suğışı arqasında soñğı waqıtlarda aşlıq häm yağulıq ölkäsendä tiskäre täräqqıyätlärneñ yäşänüenä dä tuqtalıp uzıp: "Bez tigezlek säyäsäte belän barışnı xäl itärgä tırışabız. Şuşı balans politikası belän näticä aluıbızğa ömetlänäbez”, - dip belderde.