İzraildän Törkiyägä räxmät süzläre

İzrail Ministrlar Kabinetınıñ “Twitter” akkauntınnan urtaqlaşılğan video belderüdä Bennett:

"Uzğan aylarda häm bigräk tä soñğı atnalarda İstanbulda häm Törkiyäneñ başqa töbäklärendäge İzrail watandaşların nişan itep alu omtılışların totqarlaw öçen operaśiyälär ütkärgän iminlek oyışmabızğa häm törek iminlek oyışmasına räxmät belderäm”, - dip äytte.

Operaśiyälärneñ izraillelärneñ tormışın qotqaruda uñışlı buluın citkerüçe Bennett watandaşların uyaw bulırğa çaqırdı.

Bennett: "İlbaşı Räcäp Tayyip Ärdoğanğa häm yärdämçelärenä Törkiyädä izraillelärneñ nişan itep alınuın totqarlawdağı xezmättäşlekläre öçen ayırım räxmätemne belderergä telim”, - dide.

Ministrlar Kabinetınnan yasalğan yazmaça belderüdä isä: "İminlek oyışmaları tarafınnan başqarılğan İzrail-Törkiyä urtaq tırışlığı qısalarında İstanbulda İzrail watandaşların tämek itep alğan küp sanda İran törkemeneñ totqarlanuı” iskärtelep uzıldı.

Törek iminlek xezmätläreneñ İran inqilap saqçılarınıñ boyırığı belän êşläwe belderelgän berniçä İran törkemen bilgeläwe citkerelgän belderüdä ütkärelgän profilaktik operaśiyälär belän Törkiyädäge İzrail watandaşları aldında torğan yanaw däräcäseneñ töşerelüenä iğ’tibar yünältelde.