Törkiyä, NATO, Şveśiya häm Finlyandiya sammitı uzaçaq

İbrahim Qalın şäxsi ber televideniye kanalında könüzäk mäs’älälärne bäyäläde.

Qalın: "Sişämbe könne NATO Ğomum särkätibe Yens Stoltenbergnıñ üteneçe belän İlbaşıbız qatnaşında Törkiyä, NATO, Şveśiya häm Finlyandiya sammitı uzaçaq. Bu yuğarı däräcäle oçraşu NATO sammitınnan alda sişämbe könne bulaçaq. Bu sammitta qatnaşuıbız poziśiyabızdan kire adım yasayaçağıbız mäğ’näsenä turı kilmi. Bez söyläşülärne alıp barabız. Monıñ küp êtabı bar. Min anda Finlyandiya häm Şveśiya wazıyfadaşlarıma şunı äyttem: sez 200 ğasırlıq tarafsızlıq säyäsätennän waz kiçäsez, zur paradigma üzgäreşen yasap, xärbi ittifaqqa kerü qararın qabul itäsez. Bu ahäñne buldıra alu öçen sezneñ häm Şveśiyada häm Finlyandiyada bik citdi üzgäreş başqaruığız kiräk bulaçaq. Qanunnar cıyılmasına, zakonnarğa, töp qanun Konstituśiyägä üzgäreşlär kertüegez zarur bulaçaq. Bez şuşındıy uq üzgäreşne “PKK” häm anıñ belän bäyläneşle bulğan “PYG, PYD” häm oxşaş qorılışlarğa qarata kürsätüegezne telibez. Bu başqa paradigma üzgäreşlärennän tağın da awır häm mömkin bulmağan närsä tügel. Alar bertörkem adımnar yasayaçaqların äytä. Bez yöklämälären bilgelädek. Yöklämäne alu belän anıq adım yasaw arasında ayırma bar. Bolarnıñ barısınıñ da terkälüen telibez. Zur külämdä kileşügä ireştek, bez kileşä almağan berniçä mäs’älä bar. İrtägä kileşä alsaq, Madridqa şulay baraçaqbız. “PKK”, “PYD”, “YPG” kebek qorılışlarğa qarşı turıdan-turı, açıqtan-açıq häm anıq, konkret totış aluların telibez Şveśiya belän Finlyandiyanıñ. Bu Süriyädäge “PYD” häm “YPG” belän mönäsäbätne dä üz êçenä ala”, - dip äytte.

Madridta sişämbe häm çärşämbe könne NATO liderlar sammitı da oyıştırılaçaq.