Törek Qızılayı Äfğanstanğa yärdäm cibärde

Törkiyä Qızılayı Äfğanstannıñ Paktika töbägendä kiçä bulğan 5,9 ball zurlığındağı cir teträwdän zarar kürgän 500 ğailägä azıq-tölek cibärde. Oyışmadan belderülärençä, cirlektäge Qızılay törkemnäre zilzilä yoğıntısı astında qaluçılarnıñ ixtiyacların qanäğat’länderü öçen berläşte. 500 ğailägä azıq-tölekne tartmalarğa bülep cibärgännär.

Qızılay törkemnäre cir teträw bulğan töbäklärgä barıp citkännän soñ yärdämnärne öläşä başlayaçaq. Monnan tış, kemneñ närsägä moxtac ikänen açıqlaw öçen külämle êşçänlek alıp barılaçaq. Şunnan soñ azıq-tölek häm başqa yärdämnärne kiterü kampaniyäläre uzdırılaçaq.

Äfğanstandağı cir teträwdä 1 meñ keşeneñ ğomere özelde.