Çavuşoğlu häm Lapid matbuğat oçraşuı

Çavuşoğlu räsmi säfär maqsatı belän başqala Änkarağa kilgän İzrail tışqı êşlär ministrı Yair Lapid belän söyläşüennän soñ urtaq matbuğat oçraşuı oyıştırıldı.

Lapid säfäreneñ Törkiyä-İzrail mönäsäbätlären tağın da üsteräçägenä ışanuına basım yasawçı Çavuşoğlu diplomatik wäkillek däräcäseneñ ilçe däräcäsenä kütärelüe öçen êşçänlek başlatuların äytte.

İzraillelärgä qarşı terror qurqınıçı mäs’äläsenä dä tuqtalıp uzuçı Çavuşoğlu, İzrail belän iminlek mäs’äläsendä xezmättäşlek urnaştıruların belderep: "Mondıy wazıyğalarnıñ ilebezdä yäşänüenä, ilebez êçendä mondıy xisaplaşularğa, terror höcümnärenä bez berqayçan da röxsät itmibez”, - dide.

Çavuşoğlu Fälästin mäs’äläsendä dä Törkiyäneñ ike däwlät çişeleşe täq’dimeneñ ğamäldä buluına basım yasadı.

İzrail tışqı êşlär ministrı Lapid isä Törkiyägä qarata yasağan säyäxät kisätüen üzgärtäçäklären, İzrail ilçeseneñ yaqın waqıtta Törkiyägä qaytuı öçen adımnar yasawların äytte.

Lapid: "Min güzäl İstanbul, mämläkätegezneñ matur plyajları belän soqlanam. Aldıbızdağı könnärdä İzraillelärneñ bu urınnarğa kire qaytaçağına ışanam. Törkiyä watandaşları da Qudüs-Yerusalimgä yaqın waqıtta İstanbuldan turıdan-turı oçış belän bara alaçaq”, - dip belderde.