“Aşlıq koridorınıñ buldırıluı öçen Törkiyä bularaq konstruktiv rol’ne üz östenä alabız”
Törkiyä Tışqı êşlär ministrı Mäwlüt Çavuşoğlu Qara diñgezdä aşlıq koridorınıñ buldırıluı öçen Törkiyä bularaq konstruktiv rol’ne üz östenä aluların belderde
Mäwlüt Çavuşoğlu räsmi säfär belän başqala Änkarağa kilgän Angliya tışqı êşlär ministrı Lizz Truss belän küreşep söyläşüennän soñ urtaq matbuğat oçraşuın oyıştırdı.
Çavuşoğlu Ukrainadan açılaçaq aşlıq koridorı belän bäyle bularaq: "Qara diñgezdä aşlıq koridorınıñ buldırıluı öçen Törkiyä bularaq konstruktiv rol’ne üz östenä alabız. Rusiyädän İstanbulda planlaştırılğan cıyılış öçen uñay cawap kötäbez”, - dip äytte.
Ukraina aşlığınıñ yäki teläsä qaysı êşlänmäneñ Rusiyä häm başqa il tarafınnan alınıp legal’ bulmağan räweştä satıluına da qarşı bulularına basım yasawçı Çavuşoğlu: "Törkiyä bularaq bezgä kilüenä dä röxsät itmibez”, - dide.
Çavuşoğlu: "Ägär kileşü bulsa, İstanbulda kontrol’ üzäge häm Ukraina territorial’ sulardan çittä qurqınıçsız töbäk buldırılaçaq”, - dip belderde.
Şveśiya belän Finlyandiyanıñ NATO äğ’zalek möräcäğätenä dä tuqtalıp uzuçı Çavuşoğlu: "Härkemneñ iminlek borçıluların xäl itärgä kiräk, barı tik äğ’zalek möräcäğäten yasawçılarnıñ ğına tügel”, diyıp, Törkiyäneñ iminlek borçılularınıñ iğ’tibarğa alınuınıñ zarurlığın citkerde.
Mäwlüt Çavuşoğlu: "Bu ike il (Şveśiya häm Finlyandiya) berlektäş bulırğa teli ikän, ul çaqta NATO êçendä iminlek borçıluların çişärgä tiyış. Ayıruça (29nçı-30nçı iyün’dä oyıştırılaçaq) NATO sammitında terrorçılıqqa bağışlanğan utırışnıñ oyıştırıluın möhim dip küräbez”, - dide.
Angliya ministrı Truss ta aşlıq probleması kiläse ayğa xätle xäl itelmägän, Ukrainadağı portlardan aşlıq çığarılmağan oçraqta monıñ citdi açlıqqa säbäp bulaçağın äytte.
Truss Şveśiya häm Finlyandiyanıñ NATO äğ’zalege belän bäyle bularaq ta: "NATO belän söyläşülärebez bulaçaq. Finlyandiya häm Şveśiyanıñ NATOğa quşıluı bezneñ öçen köç birer, dip uylıybız”, - dide.
