"Mäğarif öçen barlıq mömkinleklärne qullanabız”

İlbaşı Räcäp Tayyip Ärdoğan bügen İstanbul Üsküdardağı Burxan Fäläk stadionında Törkiyädä 2021-2022 uqu yılınıñ tämamlanuı uñayınnan oyıştırılğan tantanada çığış yasadı.

Ul üz çığışında Törkiyäneñ kiläçägen  bügenge balalar häm yäş’lär töziyäçägen belderep, alarnıñ belem aluı öçen böten mömkinleklärne qullanuların äytte.

Törkiyäneñ yaqtı kiläçägenä ömetlärneñ artuın belderüçe ilbaşı Ärdoğan ,” Törkiyä - uquçılar sanı iñ küp üskän il buluğa qaramastan , xalıqara sıyfat kürsätkeçläre iñ yuğarı bulğan illärneñ dä berse” dide.

Ul mäğarif sıyfatın kütärü öçen küpqırlı tırışlıq kürsätülären , barlıq byudjetlarda iñ zur öleşne mäğarifka bülep birülären citkerde.

”Bügenge balalar kiläçäktä injenerlar, tabiplar, uqıtuçılar bulaçaqlar. Törkiyäneñ kiläçägen alar töziyäçäk. Şuña kürä bez 20 yıl däwamında mäğarifkä zur ähämiyät biräbez. Mäğarif öçen barlıq mömkinleklärne qullanabız” dide ilbaşı Ärdoğan.