Ärdoğan: “Greśiyanı ükenügä kiteräçäk xıyallardan saqlanu mäs’äläsendä kisätäbez”
İlbaşı Räcäp Tayyip Ärdoğan: "Greśiyanı näq’ ber ğasır êlek bulğanı kebek ükenügä kiteräçäk xıyallardan häm ğamällärdän saqlanu, aqılın tuplaw mäs’äläsendä kisätäbez”, - dide
Ärdoğan İzmirneñ Säfärihisar ilçäsendä ütkärelgän “Äfäs-2022” xärbi künegüläreneñ Xörmätle küzätüçelär könendä çığış yasadı.
İlbaşı Ärdoğan: "Çik buylarıbıznı 30 çaqrım tiränlektä iminlek sızığı belän saqlaw astına alu qatğıylığıbıznı adım adım tormışqa aşırabız”, - dip belderde.
Ärdoğan: "İlebezneñ çiklärendä terror koridorları salınuına röxsät birmäyäçäkbez, monıñ öçen iminlek liniyabıznıñ kötek bulğan öleşlären motlaq räweşträ tämamlayaçaqbız”, - dip basım yasadı.
İlbaşı Ärdoğan: "Greśiyanı xärbi bulmağan statustağı utrawlarnı qorallandırudan waz kiçärgä, xalıqara kileşülärgä yaraşlı itep xäräkät itärgä çaqırabız”, - diyıp:
"Xörmätle (Greśiya Baş ministrı Kiriakos) Miçotakis, küräsen, utrawlarğa turistik desant yasıy. Monıñ belän näticäğä ireşep bulmıy. Törkiyä berkemneñ xaq-xoquqın taptamıy, ämma üz xaq-xoquqın da berkemgä dä taptattırmıy.
Greśiyanı näq’ ber ğasır êlek bulğanı kebek ükenügä kiteräçäk xıyallardan häm ğamällärdän saqlanu, aqılın tuplaw mäs’äläsendä kisätäbez. Törkiyä Ägäydä xaq-xoquqlarınnan waz kiçmäyäçäge kebek utrawlarnıñ qorallandırıluı mäs’äläsendä xalıqara kileşülär tanığan wäqalätlärne qullanudan tıyılmayaçaq”, - dip belderde.
Milli saqlanu ministrı Hulusi Akarnıñ 10nan kübräk ilneñ saqlanu ministrları häm ğomum ştab başlıqları belän ber rättän Törek qorallı köçläre citäkçelege belän bergä küzätkän irtänge êşçänlek bilgelängän tämeklärgä töğayen bärü belän tögällängän ide.
Xörmätle küzätüçe köne êşçänlegeneñ ikençe öleşe isä İlbaşı Ärdoğannıñ xärbi künegülär mäydanına kilüennän soñ başlanğan ide.
“Äfäs-2022” künegüläre Milli saqlanu ministrlığı, Ğomum ştab başlığı, ciröste, diñgez häm hawa köçläre belän jandarmeriya ğomum citäkçelege, yar buyı iminlege citäkçelege, grajdan däwlät oyışmaları belän bergä Amerika Quşma Ştatları, Germaniya, Albaniya, Awstraliya, Azärbaycan, Baxreyn, Bangladeş, Bosniya-Hersegovina, Burkina Faso, Çexiya, Êfiopiya, Franśiya, Gambiya, Gruziya, Ğıyraq, Angliya, İtaliya, Kamerun, Qatar, Qazaqstan, Qırğızstan, Koreya Cömhüriyäte, Kosova, Quveyt, Tön’yaq Makedoniya, Latviya, Liviya, Vengriya, Malayziya, Mongoliya, Nigeriya, Üzbäkstan, Paqıstan, Ruanda, Slovakiya, Somali häm Yordaniyadan wazıyfalandırılğan berleklär häm törkemnär belän 1100e çit ildän yaqınça 11 meñ personal qatnaşuında ütkärelgän ide.
“Äfäs 2022” xärbi künegüläreneñ tönge êşçänlege kiçä uzğan ide.
