Törkiyä NATOğa xat yazdı

Törkiyä çit tellärdä “Türkiye” atamasın qullanu mäs’äläsendä NATOğa möräcäğat’ itte. Monıñ öçen Törkiyäneñ ittifaqtağı daimi wäkile ğomum särqatib Yens Stoltenbergqa xat cibärde.

Törkiyä tışqı êşlär ministrı Mäwlet Çavuşoğlu uzğan atnada BMO ğomum särqatibenä dä oxşaş xat cibärgän ide. Anda oyışmağa kerüçe illärneñ “Türkiye” atamasın qullanuı kiräklege belderelgän ide. Şunnan soñ BMO ilneñ “Turkey” bularaq qullanılğan atamasın qullanılıştan çığardı.

Törkiyä Awrupa Berlege oyışmalarına da xäbär cibärde häm monnan son çit tellärdä räsmi räweştä “Türkiye” süze qullanıluın citkerde.