Paqıstan prem’yer-ministrı Törkiyägä säfär yasıy
Söyläşü kön tärtibendäge töp tema - ike yaqlı mönäsäbätlär
Aprel’ ayında parlamenttağı tawışqa quyuda Paqıstannıñ 23 nçe prem’yer-ministrı itep saylanğan Şaxbaz Şärif 31 nçe maydan 2 nçe iyün’gä qadär Törkiyägä räsmi säfär yasıy.
Törkiyä ilbaşı Räcäp Tayyip Ärdoğan anı başqala Änkarada räsmi tantana belän qarşı alaçaq.
İke lider üzara küreşep söyläşkännän soñ Törkiyä – Paqıstan yuğarı däräcäle strategik xezmättäşlek şurasınıñ 7 nçe cıyılışı uzaçaq.
Oçraşularda ike il mönäsäbätläre törle yaqlap qaralaçaq häm ike yaqlı xezmättäşlekne tağın da üsterü turında süz baraçaq.
Bu qısada Törkiyä belän Paqıstan arasındağı säwdä külämen 2023 nçe yılda 5 milliard dollarğa citkerü öçen yasalaçaq adımnar , ike il arasında saqlanu sänäğäte ölkäsendä xezmättäşlek mömkinlekläre turında fiker alışu küzdä totıla.
24 nçe fevral’dän birle däwam itkän Rusiya –Ukraina suğışın tuqtatu öçen diplomatik tırışlıqlar da söyläşü kön tärtibendä bulaçaq.
