Şveśiyä: "Törkiyägä qoral êksportlıy alabız"

Şveśiyä bügenge şartlarda Törkiyägä qoral êksportlıy aluın belderde. İlneñ däwlät qoral êksportı kontrole idaräse räise Karl Êvertsson NATOğa kerü mäs’äläsendä Törkiyä belän alıp barılğan söyläşülär turında “Expressen” gazetına interv’yu birde.

Ul qoral êksportın Şveśiyä saqlanu komissiyäse taläp itkän şartlarda alıp baruların citkerde. “Törkiyäneñ xäzerge waqıtta bezneñ qorallarğa ixtiyacı yuq. Bezdän qoral almıylar. Saqlanu komissiyäsennän kilüçe qağıydälärne wäzğıyät’kä qarap bäyälibez. Törkiyägä bügenge şartlarda qoral sata alabız,”-dip söyläde Karl Êvertsson.

Wäqalätle zat Şveśiyädä çığarılğan tanklarğa qarşı qoral AT-4neñ separatist terrorçı oyışma PKKnıñ qulına niçek êlägüe turındağı sorawğa isä bolay dip cawap birä: “Bez bu qorallarnı oyışmalarğa êksportlamıybız. Bu älege qorallarnıñ AQŞnıñ liśenziyäse astında da çığarıluı häm alarnıñ öçençe däwlätlärgä cibärelüenä röxsät birelü şartların iğ’tibarsız qaldıruıbızdan kilep çıqqan bulırğa mömkin”.

Şveśiyä 2019nçı yılnıñ 15nçe oktyabrendä Törkiyägä qoral satunı tıydı. Däwlät radiosı SRnıñ xäbärenä qarağanda, ul datadan soñ älege ildäge qoral citeşterüçe 3 şäxsi şirkätneñ Törkiyägä tovarların satu ğarizası kire qağıldı.