Törkiyägä 4 ayda yaqınça 9 million keşe kilde

Törkiyägä bıyıl ğıynvardan başlap aprel’gä qadär 8 million 885 meñ 876 keşe kilde.

İlneñ mädäniyät häm turizm ministrlığınnan belderülärençä, 4 aylıq çorda ilgä kerüçelärneñ 7 million yarımına yaqını çit il keşeläre. Çittä yäşäwçe, tik Törkiyä watandaşı buluçılar isä 4 million 408 meñnän artıq.

Ğıynvar - aprel’ çorında Törkiyägä kilüçelär sanı, uzğan yılnıñ şul uq ayları belän çağıştırğanda, 172,51%qa arttı.

İñ küp kilüçe Germaniyädän. İkençe urında - Bolgariyä. Öçençedä - İran. Şunnan soñ çirat buyınça Rusiyä belän Angliyä kilä.  

Törkiyägä aprel’ ayında kilüçelär, uzğan yıl belän çağıştırğanda, 225,59%qa arttı häm 2 million 574 meñ 423 keşe täşkil itte. Ul ayda da iñ kübe Germaniyädän kildelär. Berençe bişlektä, şulay uq, Bolgariyä, Angliyä, İran häm Rusiyä urın ala.