Sälamätlek saqlaw ministrı: “Törkiyädä maymıl çäçäge virusı yuq”
Sälamätlek saqlaw ministrı Fahrättin Koca Törkiyädä maymıl çäçäge oçrağınıñ kürenmäwen belderde
1832465
Ministr Koca başqala Änkarada Törkiyä Böyık Millät Mäclesendä yasağan çığışında dönyada kürengän maymıl çäçäge xastalığı turında mäğ’lümat birde.
Koca: "Kiräksez kiyırenkelek bulmasqa tiyış. Awırunıñ pandemiya säbäbe bulaçağına ışanmıym. Bezdä maymıl çäçäge oçrağı kürenmäde. Bulğan oçraqta açıqlarbız,” – dip äytte.
Watandaşlarnıñ borçılmawı zarurlığın citkerüçe Koca: "Çäçäk vakśinasınıñ êffektivlığınıñ 80-85% buluın beläbez. Vakśina kizü riskı betkän 1970nçe yıllardan birle qamilläşterelmi, fäqät Amerika Quşma Ştatları mediśina prośedurası nigezendä yuqqa çığaruı kiräk bulğan canlı virusnı yäşerep saqladı,” – dip belderde.