Ärdoğan: “Millätebez häm däwlätebez ksenofobiyağa yul quymayaçaq”

İlbaşı idaräseneñ êlemtä başlığı Fahrättin Altun İlbaşı qolliyätendä yaqınça 3 säğät däwam itkän cıyılış belan bäyle bularaq yazmaça belderü yasadı.

Şuşı belderügä kürä, Şura äğ’zaläre cıyılışta Törkiyäneñ migraśiya idaräsenä häm törle statuslar belän ildä urnaşqan çit il keşelärenä qağılışlı mäs’älälärne tikşerde.

İlbaşı Ärdoğan cıyılışta Törkiyäneñ tarix buyı bulğanı kebek bügen dä çik buylarına kilep citkän häm şuşı cilärgä sıyınğan hiçber cäberlängän keşene iğ’tibarsız qaldırmawın äytte.

Süriyäneñ tön’yağında Törkiyäneñ qurqınıçsız xälgä kitergän töbäklärgä qaytuçılarnıñ 500 meñne uzuına iğ’tibarnı yünältüçe İlbaşı Ärdoğan bu töbäklärdä xalıqara finanslaw belän salınaçaq yana toraq urınnarı belän tağın da kübräk süriyäleneñ öylärenä qaytuın täêmin itäçäklären belderde.

İlbaşı Ärdoğannıñ cıyılışta: "Şivilizaśiyäbezdä, inanuıbızda, mädäniyätebezdä häm qıymmätlärebezdä urını bulmağan ksenofobiyağa millätebez häm däwlätebez hiç yul quymayaçaq,” – dip belderüe citkerelde.