“Räsmi räweştä berlektäş buldıq”

Azärbaycan liderı İlham Aliyev Törkiyä belän Azärbaycan arasında imzalanğan Şuşa bäyannamäse belän ike il mönäsäbätläreneñ berlektäşlek däräcäsenä kütärelüen äytep: “Dus, qardäş bez, xäzer räsmi räweştä berlektäş tä buldıq,” – dide.

Rizä-Artvin aêroportınıñ açılışında qatnaşıp, biredä çığış yasağan Äliyev Törkiyägä tağın ber tapqır kilüenä söyenüen belderde.

“Törkiyä bügenge köndä bar dön’yada köç üzäge bulıp tora. İl êçendä dä zur proyektlar çınğa aşıra. Bolar arasında aêroportlar, böyälär, yullar, mäktäplär, xastaxanälär bar. Barlıq bolar Törkiyäneñ köçen kürsätep tora,” – dide ul.

Äliyev İkençe Qarabax suğışınıñ berençe könennän alıp soñğı könenä qadär Törkiyä ilbaşı Räcäp Tayyip Ärdoğan häm törek xalqınıñ Azärbaycan yanında buluın assızıqlap, bu suğışnıñ ike ilneñ urtaq tarixı buluına iğtibarnı cälep itte.

Qarabax suğışında Törkiyäneñ yärdämen onıtmayaçaqların assızıqlağan Äliyev Qarabaxnıñ tözekländerelüe öçen Törkiyä belän êşläwlären citkerde.

Azärbaycan ilbaşı Törkiyä belän Azärbaycan arasında imzalanğan Şuşa bäyannamäse belän ike il mönäsäbätläreneñ berlektäşlek däräcäsenä kütärelüenä işarät itep: “Dus häm qardäş bez, inde räsmi räweştä berlektäş tä buldıq,” – dide.