"Törkiyäneñ aradaşçılıq rölen xuplıybız"

Rusiyäneñ Änkaradağı ilçese Aleksey Yerxov Törkiyäneñ Rusiyä belän Ukraina arasındağı aradaşçılıq rölenä yöräktän ähämiyät birülären belderde.

Sovetlar Berlegeneñ İkençe Bötendön’ya suğışında naŝist Germaniyane ciñüeneñ 77 yıllığı Rusiyäneñ Änkaradağı ilçelege tarafınnan başqala Änkaradağı Rus yortında qotlandı.

İlçe Aleksey Yerxov 9 May Ciñü köne çaraları qısalarında oyıştırılğan açılış tantanasında Törkiyä belän Rusiyä arasındağı mönäsäbätlärgä tuqtalıp, ike il arasında bäxetle kiläçäkneñ tözelergä däwam itüen citkerde.

“Bez Törkiyäneñ xäzerge barışqa kertkän öleşenä häm aradaşçılıq rölenä ähämiyät biräbez. Tışqı êşlär ministrıbız Sergey Lavrov ukrainalı xezmättäşe belän Antaliyada ütkärgän söyläşü häm Törkiyä ilbaşı Räcäp Tayyip Ärdoğan da qatnaşqan Dolmabahçedäge ikençe söyläşüdä qatnaşuıbız Törkiyäneñ aradaşçılığına birelgän qıymmätne kürsätep tora,” – dide ilçe.  

Yerxov tınıçlıq urnaştıru söyläşüläreneñ ozaqlamıy näticägä ireşüen ömet itüen dä belderde.