Törkiyä İlbaşı: “Soğud Ğäräbstanın nişan itep alğan höcümnärne tağın ber qat gäyıplim”

Ärdoğan Soğud Ğäräbstanına kitär aldınnan İstanbul Atatörek hawa mäydanında açıqlawlar yasadı.

İlbaşı: “Soğud Ğäräbstanın nişan itep alğan keşesez hawa apparatı häm raketa höcümnären tağın ber qat gäyıplim. Säfäremneñ ike yaqlı ışanıç häm xörmät nigezendä tağın da köçäyüenä ışanam”, - dip äytte.

İlbaşı Ärdoğan: "Säfärem ike qardäş il bularaq yaña xezmättäşlek çorın başlatu yünäleşendäge urtaq iradäbezneñ çağılışı. Säfärem uñayınnan Törkiyä-Soğud Ğäräbstanı mönäsäbätlären böten yaqları belän qarap çığaçaqbız”, - dip belderde.

İlbaşı säfäre qısalarında ayıruça regional’ täräqqıyätlärgä dä tuqtalıp uzaçaqların iskärtep uzdı.

Çığışında Törkiyädä kiçä yasalğan Amerika Quşma Ştatları-Rusiyä arasındağı totqın belän almaşu mäs’äläsenä dä tuqtalıp uzuçı Ärdoğan:

"Bez töbäktä tınıçlıqnıñ yaqın buluın telibez. (Berläşkän Millätlär Oyışması Ğomum särkätibe Antonio) Guterreş söyläşüläreneñ buluı mäğ’lümate miña citkerelde. (Rusiyä İlbaşı Vladimir) Putin da ber ük fikerläre belderde, BMOnıñ qatışuınıñ uñay buluın äytte.

Putinnıñ şaltıratu säbäbe – urıslarnıñ AQŞtağı ber watandaşlarınıñ äsir alınuı. Şuşı uq räweşle AQŞnıñ da Rusiyädä ber watandaşlarınıñ äsir alınuı. Bez MİT (Milli küzläw oyışması) belän bergä êşçänlek başqardıq. Putin da monıñ öçen räxmätlären belderde. “Monnan soñ da tığız êlemtädä bulıyq häm bu barışnı uñay räweştä tögällik,” - dide Putin," – dip belderde.