Törkiyä Äfğanstandağı höcümnärne ğayepläde
Qabulda kiçä belem birü yortlarına terrorçı höcümnäre buldı
1814822
Törkiyä Äfğanstan başqalası Qabulda mäğarif oyışmalarına qarata terrorçı höcümnären ğayepläde. Tışqı êşlär ministrlığınnan yasalğan yazmaça belderüdä bolay diyelä: “Äfğanstan başqalası Qabulda belem birü yortların maqsat itep alğan şartlawlarda, uquçılarnı da kertep, küp keşeneñ ğomere özelüe häm yaralanuına ärnedek. Bu keşeleksez terrorçı höcümnären iñ köçle räweştä ğayeplibez”.
Belderüdä ğomere özelüçelärneñ ğailäläre belän dus häm qardäş äfğan xalqınıñ qayğısın urtaqlaşu, yaralılarğa şifa teläkläre bar.
Kiçä Qabulnıñ könbatışındağı Abdul Räxim şähit liśeyı häm Mumtaz kursında ber-ber artlı oyıştırılğan bombalı höcümnärdä 6 keşe hälaq buldı, 11e yaralandı.
