Di Mayo: "Tınıçlıq öçen iñ nıq tırışqan däwlät - Törkiyä"

İtaliyä tışqı êşlär ministrı Luidji Di Mayo Ukrainadağı suğışnı tuqtatu öçen iñ nıq tırışqan ilneñ Törkiyä buluın belderde. Ul ber radio kanalında Rusiyäneñ 24nçe fevral’dä başlağan suğışı häm soñğı täräqqıyät’lär turında söyläde. Di Mayo yaqlar kire qaqsa da, üzläreneñ diplomatiyäne tizlätü öçen êşläwläre kiräklegen, diplomatiyäneñ töp êlement buluın belderde.

Ministr Awrupa Berlegeneñ tınıçlıq konferenśiyäse uzdıruğa êtärgeç birergä tiyeşlegen alğa sörä.

“Utnı tuqtatudan alda tınıçlıq konferenśiyäse ütkärü kiräk. Solıx öçen iñ nıq tırışqan däwlät Törkiyä, ike yaq belän dä söyläşä ala,”-dide Di Mayo.  

İtaliyä ministrı sankśiyälär belän Rusiyä däwlät başlığı Vladimir Putinnıñ finans çığanaqları kiselmäsä, rus liderınıñ bu suğışqa aqça tügüen däwam itäçägen häm ciñäçägen uylap östäl artına hiç utırmayaçağın assızıqladı.