Ärdoğan: "Törkiyä superköç bulu öçen tırışa"

İlbaşı Räcäp Tayyip Ärdoğan Törkiyäneñ Londonnan Pekinğa, Seberdän Kön’yaq Afrikağa taba suzıluçı kiñ geografiyäneñ logistik superköçe xälenä kilü öçen tırışuın citkerde. Ul kiçä kabinet cıyılışınnan soñ belderülär yasadı.

“Timer yulı êlemtäse ozınlığın 10 meñ 959 çaqrımnan 13 meñ 22gä citkerdek. Maqsatıbız bu sannı 2053nçe yılda 28 meñ 590 kilometrğa citkerü,”-dide Ärdoğan. Ul tizyöreşle poyızd yulların älege waqıtqa qadär kiñ cäyelderep, aña bäyle il sanın 8dän 52gä qadär arttıru plannarı belän dä urtaqlaştı.

“Biş’yıllıq plannar belän 2053nçe yılğa qadär timer yul, qorı cir yulı, diñgez yulı, hawa yulı häm xäbärläşü öçen 198 milliard dollarlıq yaña investiśiyä yasayaçaqbız,”-dip söyläde Törkiyä liderı.

Ärdoğan Törkiyäneñ zur tizlek belän üsüçe iq’tisadı häm turizmına teräk buluçı 56 aêroportqa iyä ikänen xäterlätte. “Kiläse yıllarda bu san 61 bulaçaq. Ramazan bäyrämennän soñ Rizä-Artvin aêroportı açılışın ütkäräbez,”-dide ilbaşı.