BMO Türkiyägä räxmät äytte

BMO Türkiyägä Ukrainada tınıçlıqnı täêmin itü öçen kürsätkän tırışlığı öçen räxmät belderde.

BMO ğomum särqatibe süzçese Stefan Duyarriç köndälek matbuğat brifingında Rusiyä-Ukraina suğışın tuqtatu öçen alıp barıluçı söyläşülärne yaqlawların häm alarnıñ uñışlı çığuına ömetlänülären äytte. Ul belderü häm süzlärneñ ğamälgä äwerelüen, qorallarnıñ atudan tuqtawın kötülären citkerde.

BMO mäğ’lümatlarına qarağanda, Rusiyäneñ 24nçe fevral’dä Ukrainağa qarşı başlağan suğışı näticäsendä 4 million keşe älege ildän kitte, 6 million yarımı isä il êçendä yäşägän urınınnan küçenergä mäcbür buldı.

13 million keşeneñ bäreleşlär êçendä qaluı häm ber cirgä dä kitä almawı farazlana.

BMOnıñ balalarğa yärdäm fondı suğış arqasında 2 million balanıñ migrantqa äwerelüen, 2 million yarımnan kübrägeneñ il êçendä küçenep yörüen belderde.