İstanbuldağı Rusiyä-Ukraina söyläşüläre tögällände
Rusiyäneñ Ukrainağa 24nçe fevral’dä başlatqan suğıştan soñ taraflarnıñ İstanbuldağı cıyılışı tämamlandı
Törkiyä İlbaşı idaräseneñ Dolmabahçä êş ofisında ütkärelgän cıyılış Rusiyä häm Ukraina taraflarınıñ häm wäkillek räisläre häm dä wäkilleklär arasında söyläşülärennän soñ tögällände.
Cıyılıştan soñ Rusiyä wäkillege yasağan belderüdä:
"Qayber maddälärdä kileştek. Ukrainanıñ täq’dimnären Putinğa citkeräçäkbez. Putin-Zelenski oçraşuı tışqı êşlär ministrları kileşkän çaqta mömkin”, - dip äytelde.
Söyläşülärdä qatnaşqan Rusiyä saqlanu ministrı urınbasarı Aleksandr Fomin da Kiev häm Çernigiv yünäleşlärendä xärbi ğamällärne azaytu qararına kilülären açıqladı.
Ukraina wäkillege isä söyläşüdän soñ yasağan belderüendä Törkiyä belän bergä 8 ilne garant il bularaq kürergä teläwlären iskärtep uzıp: "Rusiyä belän kileşü garant illär belän bergä imzalanaçaq", - dide.
Ukraina söyläşülär wäkillege bolay dip belderde:
"Bez NATOğa kermäyäçäkbez, läkin Awrupa Berlegennän waz kiçmäyäçäkbez. Kileşüdä bernärsä dä Awrupa Berlegenä kerergä kirtä bulmayaçaq dip äytelde. Qırım mäs’äläse xäl itelergä tiyış. Qırım yaw astında bulğan töbäk."
Ukraina wäkillege Rusiyägä söyläşülär däwam itkän çaqta köç qullanılmawın täq’dim itülären, qarşı tarafqa poziśiyaların belderülären häm cawap kötülären açıqladı.
