Bötendönya sälamätlek oyışmasınnan Törkiyä turında maqtaw süzläre

Kluge Törkiyä sälamätlek saqlaw ministrlığı häm Bötendönya sälamätlek saqlaw oyışmasınıň xezmättäşlege belän İstanbulda oyıştırılğan Awrupa töbäge migraśiya häm sälamätlek saqlaw yuğarı däräcäle cıyılışında Törkiyäneň migrant xoquqları häm sälamätlege ölkäsendäge uňışın häm täcribäsen telgä aldı.

Cıyılışnıň ayıruça İstanbulda uzuın teläwlären belderüçe Kluge: "İstanbulnı saylap aluıbıznıň säbäbe Törkiyäneň dönyada iň küp migrantnı qabul itkän il buluı häm barı tik süriyälelärne genä tügel, qabul itkän böten migrantlarğa sälamätlek saqlaw xezmäten bernindi ayırımlılıq kürsätmiçä tigez itep täq’dim itüe”, - dip äytte.

Törkiyäneň migrant sälamätlege ölkäsendäge täcribäse belän möhim urınğa iyä buluın bilgeläp uzuçı Kluge:

"Sälamätlek saqlaw ministrı Fahrettin Kocağa da bigräk tä soňğı 2 yılda “Kovid-19” pandemiyası arqasında dönya külämendä 160 ilgä sälamätlek saqlaw cihazların täêmin itüe, migrant sälamätlege mäs’äläsendä dä kürsätkän liderlığı häm şuşı cıyılış belän bergä monnan soňğı yaňa vizion buldıru barışında da kürsätäçäk praktik çişeleşlär säbäbe belän tağın ber märtäbä räxmät äytäm”, - dide.

Awrupa Berlege komissiyası başlığı urınbasarı Margaritis Schinas ta video konferenśiya belän qatnaşqan cıyılışta Ukrainada başlanğan suğış belän bergä yaňa sälamätlek saqlaw krizisı belän oçraşuların äytte.

Awrupa Berlegeneň suğışqa kirtä bulu häm suğışnıň iň tiz waqıtta tuqtatıluı öçen citdi êşçänlek alıp baruın xäterlätüçe Schinas suğış belän bergä Awrupa Berlege töbägenä qaçaqlar ağımı buluın häm bu krizisnı idarä itärgä tırışuların belderde.

Törkiyädäge migrantlarğa da yärdäm itärgä tırışuların citkerüçe Schinas: "Barıbız da Törkiyädäge uňıştan ğorurlanabız. Şuşındıy uq humanitar toyğılar belän migrant sälamätlege xalıqara xoquqqa äyländerelergä tiyeş”, - dip bilgeläp uzdı.