"Qara diñgez gazı 30 yılğa citäçäk"

Törkiyäneñ Qara diñgezdä tapqan 540 milliard kubometr tabiğıy gaz rezervınıñ ildäge bina häm toraqlarnıñ ixtiyacın 30 yıl qanäğat’länderäçäk külämdä buluı belderelde.

Ênergetika häm tabiğıy çığanaqlar ministrı Fatix Dönmäz Törkiyäneñ ênergetikada tışqa bäylelegen kimetü öçen borawlaw êşçänlege, atom-töş stanśiyäläre häm yañartıla aluçı ênergiyä şikelle çaralarnı qullanuın söyläde.

“Belgänegezçä, Qara diñgezdä ilebez ğorurlanaçaq êşçänleklär alıp barabız. 540 kubometr tabiğıy gaz rezervı taptıq häm anı 2023nçe yılnıñ berençe çiregendä sistemağa kertäçäkbez. Bu gaz yatması böten Törkiyäneñ bina häm toraqlarınıñ barısın 30 yıl täêmin itä ala,”-dide ministr.

Dönmäz Törkiyäneñ xäzerge waqıtta 100 meñ megavat urnaştırılğan quätkä iyä buluın häm monıñ 54 meñeneñ yañartıla aluçı çığanaq ikänen citkerde. İl êlektr ixtiyacınıñ yaqınça 55-60%ın cirle çığanaqlardan täêmin itä.