Törkiyä Rusiyäneñ qararın kire qağa

Törkiyä Rusiyäneñ Doneśk häm Lugansk cömhüriyätlären tanu qararın qabul itmäwen citkerde.

Tışqı êşlär ministrlığınnan yasalğan belderüdä monıñ Minsk kileşüenä qarşı kilüe äytelä. Rusiyä däwlät başlığı Vladimir Putinnıñ qararı Ukrainanıñ säyäsi berlege, suverenlığı häm cir bötenlegen açıqtan-açıq boza.

Törkiyä tışqı êşlär ministrlığınnan yasalğan belderüdä şundıy yullar bar: “Rusiyäneñ älege qararın qabul itmibez häm kire qağabız. Bu uñaydan Ukrainanıñ säyäsi berlege häm cir bötenlegen saqlaw yaqlı buluıbıznı assızıqlıybız, barlıq yaqlarnı ayıq aqıllı bulırğa häm xalıqara xoquqnı xörmät itärgä çaqırabız”.

Tışqı êşlär ministrlığı, monnan tış, soñğı waqıyğalar qısalarında törek watandaşlarına Ukrainanıñ könçığış töbäklärennän kitärgä kiñäş itte.