Ärdoğan: “Utrawlardağı xärbi êşçänlekkä tawışsız qaluıbız mömkin tügel”

İlbaşı Ärdoğan 2 könlek Berläşkän Ğaräp Ämirlekläre säfärennän Törkiyägä qaytqan çaqta oçqıçta jurnalistlarnıñ sorawlarına cawap birde.

Ber jurnalistnıñ: "Greśiyanıñ Ägäy diñgezendäge utrawlarnı qorallandıruı probleması arqasında Törkiyä häm Greśiya arasında kiyerenkelek bar”, - digän süzläre uñayınnan Ärdoğan: "Qoralsızlandırılğan statusında bulğan utrawlarda kileşülärgä tiskäre bularaq alıp barılğan xärbi êşçänlekkä tawışsız qaluıbız mömkin tügel. Şulay itep bu mäs’äläne Berläşkän Millätlär Oyışmasınıñ kön tärtibenä kiterdek. Aldıbızdağı çorda da kön tärtibendä totarga däwam itäçäkbez”, - dip äytte.

Rusiyä-Ukraina kiyerenkelege belän bäyle bularaq isä Ärdoğan täräqqıyätlärne yaqınnan küzätep baruların belderep: "Töbäktä suğışnıñ kilep çığuı yaxşı ğalämät tügel. Mondıy ber närsä töbäkneñ sawlığı cähätennän döres bulmas”, - dide.