Akar NATO ştabında
Törkiyä Milli saqlanu ministrı Hulusi Akar NATO saqlanu ministrları cıyılışında qatnaşu öçen Bel’giya başqalası Bryussel’däge NATO ştabına kitte
Törkiyäneñ NATO daimi wäkile, tulı wäqalätle ilçe Basat Öztürk häm başqa räsmilär tarafınnan qarşı alınğan Akar NATO daimi wäkilçelege belän Törek xärbi wäkilçelegenä bardı.
Personal belän küreşep söyläşep, alıp barıluçı êşçänlek turında mäğ’lümat alğan ministr Akar İlbaşı Räcäp Tayyip Ärdoğannıñ liderlığında xalıqara mäydanda Törkiyäneñ bik möhim êşçänlek başqaruın, citdi uñışlarğa ireşüen belderde.
Küp törle faktorlar arqasında sizger çordan uzıluına basım yasawçı Akar: "Törkiyäneñ, 85 millionnıñ sezdän kötkännäre zur. Bıyıl Törkiyäneñ NATOğa quşıluınıñ 70 yıllığı. NATOnıñ qıymmätlären häm cawaplılıqların urtaqlaşqan Törkiyä 1952nçe yıldan birle üzenä birelgän böten wazıyfalarnı häm missiyalarnı uñışlı räweştä ütäde. Biredä, ber yaqtan, NATO wazıyfalarına bulışlıq täêmin itelgän urın, ikençe yaqtan, ilebezneñ xaq-xoquqların häm mänfäğätlären saqlaw öçen möhim moxit”, - dip äytte.
Hulusi Akarnıñ kön êçendä qayber illärneñ saqlanu ministrları belän ike yaqlı söyläşülär ütkärüe dä planlaştırıla.
