Ärdoğan Berläşkän Ğaräp Ämirleklärenä yul tottı

Törkiyä ilbaşı Räcäp Tayyip Ärdoğan ike könlek räsmi säfär belän Berläşkän Ğaräp Ämirleklärenä kitär aldınnan İstanbulnıñ Atatörek aêroportında jurnalistlar belän oçraştı. Ul üzeneñ çığışında Ämirleklär belän mönäsäbätlärdä yaña çor başlawların assızıqladı.

“İkeyaqlı êlemtälärdän tış regional’ häm xalıqara täräqqıyät’lärne dä centekläp qarap çığaçaqbız. İl 8 milliard dollarğa citkän säwdä äyläneşe belän aldınğı säwdä xezmättäşlärebez arasında urın ala. Törek tözeleş şirkätläre Ämirleklärdä bügengä qadär 13 milliard dollarlıq 141 proyekt başqardı. Bu kürsätkeçlär belän älege däwlät çit illärdäge tözeleş tarmağıbıznıñ iñ zur 10nçı bazarı buldı,”-dip söyläde Törkiyä ilbaşı.   

 Ärdoğan Berläşkän Ğaräp Ämirlekläreneñ Törkiyädäge dinamik investiśiyä moxitenä zur öleş kertüen dä äytte.

“İke däwlät iq’tisadınıñ ber-bersen tulılandıruçı tabiğate, asılında, xäzerge kürsätkeçlärdän tağın da zurraq potenśialğa iyä buluların kürsätä. Säfärneñ maqsatı - anı tizräk tormışqa aşıru. Aldınğı investorlar belän dä oçraşaçaqmın. Säfär uñayınnan bik küp mäydanda mönäsäbätlärebezne üsterüne täêmin itüçe adımnar yasawnı maqsat itep quyabız,”-dide Ärdoğan.