Törek hawa yulları täwge xalıqara reysınıñ 75 yıllığın bäyräm itte

Törek hawa yulları täwge xalıqara reys yasawınıñ 75 yıllığın Greśiyä başqalası Afinada bäyräm itä. Çönki berençe oçış näq’ menä alege şähärgä yasalğan bula. Törek hawa yulları 1947nçe yılnıñ 12nçe fevralendä Änkara – İstanbul – Afina marşrutı belän xalıqara reysların başlap cibärä. Şirkät, şulay itep, ay-yoldızlı bayraqnı çit ildä berençe tapqır cilferdätä.

Törek hawa yullarınnan älege data uñayınnan yasalğan belderüdä şirkätneñ idarä häm başqarma komitetı räise, professor Äxmät Bolatnıñ mondıy süzlärenä urın birelä: “1947nçe yılnıñ 12nçe fevralendä yulçılarıbıznı 30 urınlı oçqıçıbız belän ike kürşe däwlät arasında oçırğan bulsaq, bügen millionnarça mösafirıbıznı qıytğalarnı kiçep yaqınnarı yanına iltäbez”.

Xäzerge waqıtta Törek hawa yulları 5 qıytğada 128 däwlättä iñ küp xalıqara noqtağa säfär yasawçı şirkät. 75 yıl êlek xalıqara oçışlar başlağanda anıñ 33 oçqıçı bula. Bügen Törek hawa yulları 371 oçqıçtan toruçı iñ yäş’ flotqa iyä.