Ärsoy: “Bez turizmda 2021nçe yıldağı maqsatlarnı uzıp kittek”
Mädäniyät häm turizm ministrı Mäxmät Nuri Ärsoy Törkiyäneñ turizmda 2021nçe yıldağı maqsatlarnı uzıp kitüen belderde
Dön’ya turizm professionalların häm yal itüçelären 25nçe tapqır İstanbulda cıyğan Könçığış Urta diñgez xalıqara turizm häm säyäxät yärminkäse (EMİTT) başlandı.
Yärminkäneñ açılışında çığış yasawçı Ärsoy EMİTT yärminkäseneñ turizm tarmağına global’ däräcädä yünäleş birüçe möhim çara buluın äytte.
Törkiyä turizmınıñ awır uzğan 2020nçe yıldan soñ 2021nçe yılda söyenderüçe tizlekkä ireşüenä iğ’tibarnı yünältüçe Ärsoy: "Bez çit ildä döres tanıtu adımnarın yasap, turizmda 2021nçe yıl maqsatların uzıp kittek. Bu uñışnı sannar belän bäyäläsäk, 2021nçe yılda annan aldağı yılğa qarağanda 88%lıq artu belän tuplam 30 million 38 meñ turistnı qabul ittek häm 30 million psixologik çikne uzdıq. 2021nçe yılda turizm keremnärebez isä şulay uq annan aldağı yılğa qarağanda 103%qa artıp tuplam 24 milliard yarım dollarğa citte”, - dip äytte.
Bıyıl 21 ildä televideniyädän, 86 ildä sanlı (śifrlı), 15 ildä 200dän kübräk basma näşriyättä reklama kampaniyalarınıñ däwam itäçägenä basım yasawçı Ärsoy: “Kim digändä 60 ildän matbuğat wäkillären, fiker liderların häm tur operatorların ilebezdä qunaq itep, xalıq belän êlemtälär êşçänlegebezne dä tizlätäçäkbez”, - dip äytte.
Ärsoy bıyıl berençe 40 könlek sannarnı qarağan çaqta çik mäğ’lümatläreneñ uzğan yıldan 2 märtäbä kübräk buluın belderde.
