Törkiyä parlamentı başlığı rasaçılıqqa qarşı urtaq adımnar yasarğa çaqırdı

Törkiyä Böyek Millät Mäclese Başlığı Mostafa Şäntop, İslam doşmanlığınıñ soñğı 20 yılda iñ kiñ taralğan rasaçılıq räweşlärennän bersenä äylänüen belderep, Qıytğalarara iq’tisadi xezmättäşlek oyışmasınıñ parlament başlıqların diskriminaśiya, rasaçılıq, İslam doşmanlığı häm näfrät uyandıru tendenśiyälärenä qarşı urtaq anıq adımnar yasarğa çaqırdı.

Meksika, İndoneziya, Törkiyä häm Awstraliya äğ’za bulğan MIKTA 7nçe Parlament başlıqları cıyılışı video konferenśiya ısulı belän ütkärelde. Awstraliyanıñ räislegendä uzdırılğan cıyılış belän MİKTA oyışmasınıñ çirattağı başlığı wazıyfası Törkiyägä küçte.

"Demokratiyanı yaqlawçı näticäle parlamentlar" temalı cıyılışta video konferenśiya belän qatnaşqan Şäntop böten dönyağa yanawçı dezinformaśiya, näfrät söyläme, rasaçılıq, ksenofobiya kebek mäs’älälärdä xalıqara kileşüneñ tormışqa aşırıluı öçen äğ’za illärgä çaqıru yasadı.

İslam xezmättäşlek oyışmasınıñ 15nçe mart könen "İslamofobiya belän köräş xalıqara köne” itep iğ’lan itüen dä xäterlätüçe Şäntop: "Xäzerge waqıtta İslam xezmättäşlek oyışmasınıñ parlament berlegeneñ çirattağı başlığı bularaq xalıqara cämäğätçelekneñ şuşı könne tanuın häm iskä aluın telgä alınğan bu qurqınıçqa qarşı urtaq köräşebez cähätennän möhim buluın uylıym”, - dip äytte.

Migraśiya mäs’äläseneñ dä aşığıç global’ çişeleş kötüce mäs’älä buluına basım yasawçı Şäntop: "Kiräkle çaralar waqıtında kürelmägän oçraqta tärtipsez migraśiya mäs’äläse häm qaçaqlar krizisı açı kön tärtibe bulırğa däwam itäçäk. Keşelärneñ üz illärendä tınıçlıq êçendä häm minimal’ humanitar şartlarda yäşi alaçaq moxitnıñ salınuı häm üsterelüe dönyaküläm cawaplılıq häm monıñ öçen bez parlamentariylär bularaq tağın da kübräk iniśiativanı üz östebezgä alırğa mäcbür”, - dip belderde.